ياترى كانوا رجاله

السلام عليكم ورحمة الله وبركاته

بصراحه موضوع اتاخر كتير وانتظرت يمكن يتغير الحال ولكن بقى الوضع كما هو عليه وادينى اهو بتكلم فيه وحابه اعرف رايكم فيه من العنوان يمكن تقدروا تفهموا انا عايزه ققول ايه صحيح العنوان يمكن يجرح ناس كتير ولكن فيه مثل بيقول اللى على راسه بطحه بيحسس عليها وهو اللى هينزعج من الموضوع طبعا كلنا اتعرفنا على بعض من منتدى محترم اسمه منتدى شباب دماص منتدى بدا يكبر ويكبر ويعمل مشاريع ويساعد ناس كتير وده كله بفضل الشباب اللى اجتمعوا على عمل الخير وصمموا انهم يكونوا اوالا يكونوا وفعلا كانوا ونجح المنتدى بفضل جهودهم واتحادهم واتحادهم واتحادهم واتحادهم على هدف واحد وهى خلق من منتدى يمثل للبعض موقعا عليه اخبار ومعلومات فقط تفيدهم عند التصفح على صفحات الانترنت الى منتدى خدمى يخدم ولاد بلدهم اللى محتاجين لمساعدتهم وفعلا ده حصل واتنفذ بشكل جميل ومرضى لكثير من الناس وبدا ثقة الناس فيهم تزيد وتزيد الى ان تغير الوضع وبعدما كان الاتحاد قوه اصبح الفراق قوه والعمل الفردى بدا يسيطر على تفكيرهم
ياترى دى رجوله وكل واحد عايز يستعرض عضلاته والا دى خيابه وعدم تحمل للمسؤليه وبكده كل اللى شككوا قدرة المنتدى على الاستمرار بنفس مجموعة الشباب اللى تعبت واشتغلت فيه عندهم حق اتمنى تعليقكم على الموضوع لان بصراحه المتضرر ليس فردا او فردين انما كل شخص ساعدناه هو المتضرر

[

b]طبعا كانوا رجالة ولكن لهم اخطاء وكلنا بشر
أتمني ان يتداركوا أخطائهم وأن يعودوا كما كانوا وافضل
وربنا يهدي الجميع
شكرا لكي علي الموضوع
وأتمني ان أسمع باقي الاراء[/b]

شكرا يا بشمهندسه على رايك لانه كان نفس رأيى بالضبط ونفس التمنى يارب يقدروا يتداركوا الاخطاء
ويرجعوا لمسارهم الصحيح ده ش يهمنا جميعا طبعا وبرده مستنيه اشوف راى باقى الاعضاء

[b]مش عارفه ممكن رايي يكون عكسكم كلكم بصراحه مش شايفه فى كدا رجوله لان اول ما الناس اتكلمت وقالت نصحح الاخطاء ونبقى اساسنا الخير الناس خافت وقالت لاء المنتدى ومش المنتدى والكلام ده هو يعنى خلاص ما عدناش قادرين نستغنى عنه للدرجه دى ولا احنا حابين الغلط وعاوزين نستمر فيه
والمفروض ان طالما بنعمل اعمال خير يبقى مفيش اى ذرة خطا تشوب الاعمال دى علشان تكون خالصه لوجه الله مش بنعملها علشان الناس تقول علينا ماشاء الله عليكم يا شباب اه كنا بنفرح بنظره الناس لينا بس مش لدرجه انها تبقى اساسنا
ودايما اللى بيتبنى على غلط ما بيستمرش
علشان كدا ما استمرش وبدا يرجع للصفر من تانى

ياريت ردى ما يدايقش حد
شكرا فرح على موضوعك

شكرا فرح على الموضوع
بس انا عايزة اوضح ليكم حاجة فى البداية لما فكرت اعمل منتدى بنات الخير مش قصدى بنات دماص فقط وانما منتدى
يجمع كل البنات الخيرين الملتزمين فى كل مصر أو حتى من خارج مصر
طيب انا بقول الكلام ده ليه؟؟
انا عايزة اقول ان منتدانا ليس منافسا بأى حال من الأحوال لمنتدى دماص ، وانا شايفة ان انشاؤه المفروض مش يزعل حد مننا

منتدى دماص له فضل كبير علينا وزى ما قلتى فى البداية كان فيه اتحاد وكبر واتقدم كتير كل يوم عن اليوم اللى قبله
لكن فى الاخر حصل افتراق واصبح الاعضاء عبارة عن احزاب وده زى ما قلتى سبب انهيار اى منتدى

اتمنى المنتدى يرجع زى ما كان فى البداية ويبقى افضل وافضل بس ده مش هييجى الا بحاجتين :
الاتحاد ، والثقة

ومعلش هزود كلمتين :
لما يكون منشىء المنتدى اتنين اصحاب اوى ويمكن اكتر من اخوات هقول فرضا يعنى زيى انا و سهر الليالى
وتيجى تعرفى انتى او اى عضوة ان سهر الليالى مش واثقة فيا وانها تركت المنتدى
ازاى انا اطلب منك انك تثقى فيا؟؟؟؟؟؟؟؟
اظن مستحيل

اتمنى ان ده مايحصلش وان شاء الله مش هيحصل
اتمنى لمنتدى دماص ومنتدى بنات الخير التقدم والأفضلية على سائر المنتديات

بس فى جملة كتبتها سهر الليالى ياريت توضحها:

اقتباس :

ودايما اللى بيتبنى على غلط ما بيستمرش
علشان كدا ما استمرش وبدا يرجع للصفر من تانى

ايه الغلط اللى اتبنى على اساسه المنتدى عشان كدة ما استمرش؟؟

لا يا سهر قادرين نستغني عن المنتدي طبعا ودة اللي حصل بالفعل من أهم أعضاء كانوا فيه
بعدوا عنه مهجروه تماما
لكن برده ارجع واقول كلنا بشر ورغم أني لم أعد تجاههم مثل سابق
إلا أني أتمني لهم أن بعودوا كما كانوا
ومع نور الصباح فكرة منتدي بنات الخير أنها للفتيات والسيدات فقط وهذا ما يميزه ومن اي مكان طبعا لفتيات المسلمات في أي مكان
ولا تنافس أو تعارض بين المنتديين

نور الصباح انتى اكتر واحده عارفه يعنى ايه اللى اتبنى على غلط مش هيستمر
وعارفه ان المنتدى كان فيه حاجات كتير غلط ولا يمكن السكوت عليها مش ده مكان زكرها
وانا زيي زيكم او يمكن اكتر كتير بتعلقى بمنتدى شباب دماص بس للضروره احكام
ومحدش قال ان المنتدى هنا منافس للمنتدى هناك ويوم ما شاركت هنا كنت فتهمه كدا وسبب المشاركه انى عاوزه اعمل حاجه صح او انى اشارك من غير خوف
ياريت تكون وجهة نظرى واضحه
وانا بردو بتمنى انهم يرجعوا اصحاب لكن زى ما قلتى لو الاصحاب بقوا مش واثقين فى بعض احنا ازاى نثق ان احنا ندخل المنتدى او اننا نكمل فيه؟

والله زمان يا بنات ايوه كده حلوه المناقشه الجاده انا اتاخرت عليكوا فى الرد لكن كنت مسافره ولسه راجعه وعايزه ققول لسهر ان فيه ناس فعلا من نفس رايك وان دى مش رجوله ابدا وبصراحه فعلا انا مش عارفه المنتدى اتبنى على اساس غلط ازاى لانى ماكنشى هدفى اصلا من المنتدى انى اعرف اتعمل ازاى ولكن طالما اتعمل وكسب اعضاء كتير صغيرين وكبار يبقى كان لازم يكون فيه احترام اكتر من الاداره لعقول الاعضاء ويعملوا حساب كل حاجه والاضرار الناتجه عن قرارتهم لكن
وشكرا يا نور على مشاركتك واحنا معاكى طبعا ان المنتدى يكون لجميع الفتيات علشان كده ياريت يكون موجود على جوجل وموضوعاتنا تنزل عليه علشان يتعرف اوك ومهندسه ام محمد فعلا انا شخصيا قدرت استغنى عن مشاركتى فى المنتدى من فتره طويله لكن ماستغنتشى عن التصفح ومعرفه المواضيع

الواضح بقة والمحزن
هو إنكم استغنيتوا عن بنات الخير
والله أنا حزينة

لا يا بشمهندسة اوعدك هيكون فيه نقلة وتقدم فى الفترة اللى جاية

والله نفسي وعندي امل كبير في الله
وان شاء الله أنا نازلة مصر بعد شهر
وان شاء الله أقابلكم وأتعرف عليكم ونطور المنتدي
يا دكتورة